གནས་ཡུལ། མདུན་ངོས། གསར་འགྱུར།
 
 
རྒྱལ་ཡོངས་མི་དམངས་འཐུས་ཚོགས་བོད་ལྗོངས་སྐུ་ཚབ་ཚོགས་པས་ཡོ་རོབ་གྲོས་ཚོགས་ལ་འཚམས་འདྲི་གནང་བ།
སྤེལ་དུས།2019-10-21   ཡོང་ཁུངས་།ཀྲུང་གོའི་བོད་ཀྱི་གསར་འགྱུར་དྲ་བ།   རྩོམ་པ་པོ། བསོད་ནམས་དབང་འདུས་ཀྱིས་བསྒྲིགས།
        ཟླ་10ཚེས་13ནས་15ཉིན་བར། བོད་རང་སྐྱོང་ལྗོངས་མི་དམངས་འཐུས་ཚོགས་རྒྱུན་ལས་ཨུ་ལྷན་གྱི་ཀྲུའུ་རེན་གཞོན་པ་ཉི་མ་ཚེ་རིང་གིས་རྒྱལ་ཡོངས་མི་དམངས་འཐུས་ཚོགས་བོད་ལྗོངས་སྐུ་ཚབ་ཚོགས་པའི་སྣེ་ཁྲིད་དེ་ཡོ་རོབ་གྲོས་ཚོགས་ལ་འཚམས་འདྲི་གནང་ཞིང་། དེའི་རིང་། སྐུ་ཚབ་ཚོགས་པས་ཡོ་རོབ་གྲོས་ཚོགས་ཀྱི་གྲོས་མི་ཁག་གཅིག་དང་མཇལ་འཛོམས་གནང་བ་མ་ཟད། ད་དུང་ས་གནས་དེ་གའི་ཇུས་འདོན་ཚོགས་པའི་མཁས་དབང་དང་བཞུགས་མོལ་སྤེལ་རེས་ཀྱང་གནང་བ་རེད།
        ཉི་མ་ཚེ་རིང་གིས། ཀྲུང་དབྱང་སྲིད་གཞུང་གིས་བོད་ལ་འཛིན་པའི་མཛད་ཕྱོགས་སྲིད་ཇུས་དང་། མི་དམངས་འཐུས་མི་ཚོགས་ཆེན་གྱི་ལམ་ལུགས། མི་རིགས་ས་ཁོངས་རང་སྐྱོང་ལམ་ལུགས་བཅས་བོད་དུ་གྲུབ་འབྲས་ཐོབ་པའི་ངང་ལག་ལེན་བསྟར་བ་ངོ་སྤྲོད་གནང་ཞིང་། ཁོང་གིས། འདི་ལོ་ནི་བོད་ལ་དམངས་གཙོའི་བཅོས་སྒྱུར་བྱས་ནས་ལོ་ངོ་60འཁོར་བའི་ལོ་ཞིག་ཡིན་ལ། ཀྲུང་དབྱང་སྲིད་གཞུང་གི་རྒྱབ་སྐྱོར་ཤུགས་ཆེན་དང་། རྒྱལ་ཡོངས་མི་དམངས་ཀྱི་རྒྱབ་སྐྱོར་ཤུགས་ཆེན། བོད་ཀྱི་མི་རིགས་ཁག་གི་མི་དམངས་ཀྱི་འབད་འཐབ་བཅས་ཀྱི་འོག བོད་ཀྱིས་དུས་ཐུང་ལོ་བཅུ་ཕྲག་ཁ་ཤས་སྤྱད་དེ་རྗེས་ལུས་ནས་ཡར་ཐོན་དང་། དབུལ་ཕོངས་ནས་ཕྱུག་འགྱུར། སྒོ་རྒྱག་ནས་སྒོ་དབྱེ་བཅས་བར་དུ་བསྐྱོད་དེ། སྤྱི་ཚོགས་ཀྱི་ལམ་ལུགས་ལ་ལོ་རྒྱུས་རང་བཞིན་གྱི་མཆོང་སྐྱོད་བྱུང་ནས་སྤྱི་ཚོགས་ཀྱི་རྣམ་པར་ཡང་གནམ་ས་བླ་འོག་ཏུ་འགྱུར་བ་ལྟ་བུའི་འཕོ་འགྱུར་བྱུང་ཡོད་ཅེས་གསུངས་པ་དང་། ཁོང་རང་ཉིད་ཀྱི་མྱོང་བ་དངོས་དང་ཟུང་འབྲེལ་གྱིས་བོད་ཀྱི་ཆབ་སྲིད་དང་། དཔལ་འབྱོར། སྐད་ཡིག་རིག་གནས་རྒྱུན་འཛིན། སྣོད་བཅུད་ཁོར་ཡུག་སྲུང་སྐྱོང་སོགས་ཐད་ཀྱི་གནས་ཚུལ་གསོན་ཉམས་ལྡན་པའི་སྒོ་ནས་ངོ་སྤྲོད་ཞིབ་ཕྲ་གནང་བ་རེད།
        ཉི་མ་ཚེ་རིང་གིས། བོད་འབྲེལ་གནད་དོན་ནི་ཀྲུང་གོའི་ལྟེ་བའི་ཁེ་ཕན་དང་ཀྲུང་གོའི་མི་དམངས་དུང་ཕྱུར་14ཙམ་གྱི་མི་རིཌ་ཀྱི་བརྩེ་དུང་དང་འབྲེལ་བ་ཡོད་པས། ཡོ་རོབ་ཕྱོགས་ཀྱིས་ཀྲུང་གོ་ཕྱོགས་ཀྱི་ལྟེ་བའི་ཁེ་ཕན་དང་གཙོ་ཆེའི་དོ་ཁུར་ལ་བརྩི་འཇོག་ཏན་ཏིག་བྱས་ཐོག་བོད་འབྲེལ་གནད་དོན་གཟབ་ནན་ངང་ཐག་གཅོད་བྱེད་མཁས་པོ་བྱས་ནས། ཀྲུང་གོ་ཕྱོཌ་དང་མཉམ་དུ་ཀྲུང་ཡོའི་འབྲེལ་བ་སྐྱོན་བྲལ་ངང་འཕེལ་རྒྱས་བརྟན་པོ་འགྲོ་རྒྱུར་སྲུང་སྐྱོང་བྱ་རྒྱུའི་རེ་བ་ཡོད་ཅེས་གསུངས་པ་རེད།
        ཡོ་རོབ་ཕྱོགས་ཀྱིས་བོད་ལ་ཐོབ་པའི་གྲུབ་འབྲས་ཁག་ལ་བསྔགས་བརྗོད་བྱས་པ་དང་ཆབས་ཅིག ཡོ་རོབ་གྲོས་ཚོགས་དང་ཀྲུང་གོའི་རྒྱལ་ཡོངས་མི་དམངས་འཐུས་ཚོགས་དབར་གྱི་སྤེལ་རེས་མཉམ་ལས་ལ་སྔར་བས་སྐུལ་འདེད་གཏོང་འདོད་ཡོད་ཅེས་གསུངས་པ་རེད
༼རྩོམ་སྒྲིག་འགན་ཁུར་བ། ༽
 
 
འབྲེལ་ཡོད་ནང་དོན།
 
 
Copyright @ China Association for Preservation and Development of Tibetan Culture ( CAPDTC )
འདིར་བཀོད་པའི་ཡིག་རིགས་དང་པར་རིས་ཚང་མའི་པར་དབང་ཀྲུང་གོའི་བོད་ལྗོངས་རིག་གནས་སྲུང་སྤེལ་མཐུན་ཚོགས་ལ་དབང་བས་
ཕན་ཚུན་གྲོས་མོལ་དབང་བཅོལ་མ་བྱས་གོང་ལ་སུ་ཞིག་གིས་ཀྱང་བཀོལ་སྤྱོད་བྱས་མི་ཆོག་པ་དགོངས་འཇགས་ཞུའོ།
E-Mail:dk582002@yahoo.com.cn Tel:8610-58336005