གནས་ཡུལ། མདུན་ངོས། གསར་འགྱུར།
 
 
དུས་ཚིགས་དང་པོ་ནས་གསུམ་པའི་བར་ནེ་པ་ལ་དང་ཚོང་གཉེར་བྱེད་ཚད་དུས་མཚུངས་ལས་བཅུ་ཆ་བཞི་ལྷག་ཙམ་འཕར་བ།
སྤེལ་དུས།2019-10-28   ཡོང་ཁུངས་།ཀྲུང་གོའི་བོད་ཀྱི་གསར་འགྱུར་དྲ་བ།   རྩོམ་པ་པོ། བསོད་ནམས་དབང་འདུས་ཀྱིས་བསྒྲིགས།
ནེ་པ་ལ་ལོ་6བསྟུད་མར་རང་ལྗོངས་ཀྱི་ཕྱི་ཕྱོགས་ཚོང་དོན་རོགས་ཟླ་ཆེ་ཤོས་སུ་གྱུར་པ།
       འདི་ལོའི་ཟླ་དང་པོ་ནས་དགུ་པའི་བར་རང་ལྗོངས་ཀྱིས་ནེ་པ་ལར་ཕྱིར་གཏོང་ནང་འདྲེན་བསྡོམས་འབོར་་སྒོར་དུང་ཕྱུར་22.25བྱས་པ་དེ་ན་ནིང་གི་དུས་མཚུངས་དང་བསྡུར་ན་40.2%འཕར་བ་མ་ཟད། དུས་མཚུངས་ཀྱི་རང་ལྗོངས་ཀྱི་ཕྱི་ཕྱོགས་ཚོང་དོན་བསྡོམས་འབོར་གྱི་72.7%ཟིན་པས་ནེ་པ་ལ་ལོ་6བསྟུད་མར་རང་ལྗོངས་ཀྱི་ཕྱི་ཕྱོགས་ཚོང་དོན་རོགས་ཟླ་ཆེ་ཤོས་སུ་གྱུར་ཡོད་པ་རེད།
       རང་ལྗོངས་ཀྱི་ཕྱིར་གཏོང་ཁྲོམ་ར་ཆེ་ཤོས་ཡིན་པའི་ངོས་ནས་འདི་ལོའི་ཟླ་དང་པོ་ནས་དགུ་པའི་བར་རང་ལྗོངས་ཀྱིས་ནེ་པ་ལར་ཕྱིར་གཏོང་སྒོར་དུང་ཕྱུར་21.10བྱས་པ་དེ་དུས་མཚུངས་ལས་36.3%འཕར་བ་དང་། ནེ་པ་ལར་ཕྱིར་གཏོང་བྱེད་པའི་རིན་ཐང་དེས་ཕྱིར་གཏོང་ནང་འདྲེན་བསྡོམས་འབོར་གྱི་94.8%བཟུང་ཡོད་པ་དང་ཚོང་དོན་གྱི་གཏོང་མང་ཡོང་ཉུང་གི་ཧེ་བག་སྒོར་དུང་ཕྱུར་19.95ཟིན་ཡོད། དེའི་ནང་མཐའ་མཚམས་ཀྱི་གྲངས་འབོར་ཆུང་བའི་ཚོང་དོན་གྱི་སྤྱིའི་རིན་ཐང་སྒོར་དུང་ཕྱུར་20.26ཟིན་ནས་31.8%འཕར་བ་དང་མཐའ་མཚམས་མི་སེར་གྱི་ཕན་ཚུན་ཁྲོམ་རའི་ཉོ་ཚོང་སྒོར་དུང་ཕྱུར་1.37ཟིན་ཏེ་ལྡབ་5.47འཕར་ཡོད། ནེ་པ་ལར་དངོས་ཟོག་སྐྱེལ་འདྲེན་བྱ་རྒྱུ་དེ་གཞུང་ལམ་ནས་སྐྱེལ་འདྲེན་གཙོ་བོ་བྱས་པ་དང་དེའི་ནང་སྐྱིད་རོང་འགག་སྒོ་ནས་ནེ་པ་ལར་ཕྱིར་གཏོང་ནང་འདྲེན་བྱེད་ཚད་བསྡོམས་འབོར་སྒོར་དུང་ཕྱུར་20.60ཟིན་ནས་30.9%འཕར་བ་རེད།
༼རྩོམ་སྒྲིག་འགན་ཁུར་བ། ༽
 
 
འབྲེལ་ཡོད་ནང་དོན།
 
 
Copyright @ China Association for Preservation and Development of Tibetan Culture ( CAPDTC )
འདིར་བཀོད་པའི་ཡིག་རིགས་དང་པར་རིས་ཚང་མའི་པར་དབང་ཀྲུང་གོའི་བོད་ལྗོངས་རིག་གནས་སྲུང་སྤེལ་མཐུན་ཚོགས་ལ་དབང་བས་
ཕན་ཚུན་གྲོས་མོལ་དབང་བཅོལ་མ་བྱས་གོང་ལ་སུ་ཞིག་གིས་ཀྱང་བཀོལ་སྤྱོད་བྱས་མི་ཆོག་པ་དགོངས་འཇགས་ཞུའོ།
E-Mail:dk582002@yahoo.com.cn Tel:8610-58336005